9月20日 方言ニュース 書きおこし 

今日の方言ニュースは、那覇のまちぐゎー、すなわち公設市場のトイレ問題についてです。ちなみに、まだ解説はつけていませんが、ちょっとお待ちください。

私は、沖縄本島南部の島尻郡与那原町というところで育ちましたが、私の祖母と良く一緒にバスで那覇のまちぐゎーに行きました。那覇は都会だから、那覇に行くというのは、小さいころの私にとって、ちょっとした贅沢で、祖母と那覇まで買い物に行くのを楽しみにしていました。

与那原には昔はヤンバルと南部の交流のための山原船が通っていたし、沖縄戦前にはケービン鉄道が通っていて、栄えていたのだということや、それから与那原テックというディズニーランドふーじーの遊園地もあったそうで、那覇の街へ行くバスの中でそのような昔の話を良くしてくれました。

公設市場といえば、今では私の子どもの頃とは少し変わって、観光客が多くなり、いろいろな国から人が来るようになっていますが、沖縄の言葉ももっと飛び交うようになったらいいのになぁと思います。

 

2016年 9月20日 方言ニュース

伊狩典子先生

ぐすーよー ちゅーうぅがなびら。

一時(いちじ)ぬ 方言(ほうげん)にゅーす うんぬきやびーん。

ちゅーや 琉球新報(りゅうきゅうしんぽう)ぬにゅーすから うしらし うんぬきやびーん。

まちぐゎーぬ といれ問題(もんだい)にちーてぃ かんげーゆる 地域円卓(ちいきえんたく)会議(くゎいぎ)ぬ くぬふどぅ 那覇市(なはし)ぬ てんぶすほーるうぅてぃ むゆーさってぃ 平和通り(へいわどおり)そーな 商店街(しょうてんがい)とぅ、かかわいぬあみしぇーる方々(かたがた)とぅか まちやぬ ぬーし、うりから うみかきとーみしぇーたる てーげー 五百人(ごひゃくにん)ぬ 市民(しみん)ぬ まじゅんなてぃ 商店街(しょうてんがい)ぬ といれ問題(もんだい)にちーてぃ、ちゃーせー しむがやんでぃぬ くくぅとぅ、うぬ解決法(かいけつほう)ぬ てぃだてぃにちーてぃ、いちゃいはんちゃい 吟味(じんみ)しみそーちゃんでぃぬ くとぅやいびーん。

うぬ会議(くゎいぎ)うぅてー、商店街(しょうてんぐわぁい)とぅ かかわいぬあみしぇーる方々(かたがた)が 公設(こうせつ)市場(いちば)そーな 商店街(しょうてんがい)うぅてぃ、こーいむんしーが めんしぇーる方々(かたがた)ぬ ちからりゆる といれぬ いきらさんでぃ いち、とぅいあぎみそーち、平和(へいわ)通り(どおり)ぬ まちやぬ ならどーる仕組み(しくみ)から むちかさんでぃぬくぅとぅ、あんし事業者(じぎょうしゃ)びけー じっしぇー みぐらっちぇー いからんでぃいち、なまぬ しじゃま 説明(しちめい)しみそーちゃん でぃぬくとぅやいびーん。

うりから みぐらちょーる居酒屋(いざかや)とーびちに、といれびけーじっし まちやかとーみしぇーるめーいけがぬかたー、「なー といれぬかいちぇんだきっし、居酒屋(いざかや)ぬ べーぬ家賃(やちん)はらいびーん」んでぃいみそーち、なっしちからりーる共同(きょうどう)ぬ といれんいりよーんでぃ いち、くぅとぅば ちわみみそ−ちゃんでぃぬ くとぅやいびーん。

うりんかいていっし、那覇市那覇町中振興課(なはしなはまちなかしんこうか)とぅっしぇー、といれみーくにちゅくいる べーにちーてぇー 八千万(はっせんまん)近(ちか)くかかいん、んでぃち 報告(ほうこく)しみそーちゃんでぃぬ くぅとぅ。うぬふかー 防犯対策(ぼうはんたいさく)、なーやなくとぅ、うくらちぇーならんでぃ いち、うりんいりよーんでぃぬ いちぬやさったんでぃぬ くぅとぅやいびーん。

うりから 有識者(ゆうしきしゃ)からー、ゆすぐにぬぐぅとぅ、じんはらてぃ ちからりーる共同(きょうどう)ぬといれとぅか、平和通りぬにーけーぬあちゅーる部屋(へや)んかい仮設(かせつ)といれうちゅるこくぅとぅぬ、いちんとぅし、んじゃさったんでぃぬ くとぅやいびーん。

うりだけー あいびーらん。会場(かいじょう)からー まちやめぐらちょーる方々(かたがた)がいいまーるうっし ゆるゆなか といれみーまーいするくとぅとぅか、あかがらするくぅとぅにゆってぃ、防犯(ぼうはん)なーやなくとぅぬ おこりらんくぅとぅ、ちーちきーるくぅとぅ、うりからじんはらてぃから、といれちかたい ちちょーし携帯(けいたい)するくぅとぅぬないる ぱうだーるーむうちゃーに 経営(けいえい)するくぅとぅそーな 様々(さまざま)なあいでぃあぬ うっじゃさったんでぃぬ くぅとぅやいびーん。

ちゅーぬ 方言(ほうげん)にゅーそー、まちぐわぁーぬ トイレ問題(もんだい)にちーてぃ、かんげーゆる地域円卓会議(ちいきえんたくわぁいぎ)ぬ、くぬふどぅ 那覇市(なはし) テンブスホールうてぃむゆーさってぃ、平和通り(へいわどうり)そーな商店街(しょうてんぐわぁい)とぅー かかわいぬあみしぇーる方々(かたがた)とぅか、まちやぬぬーし、うりからー うみかきとーみしぇーたる てーげー ごひゃくにんぬ市民(しみん)ぬまじゅんなてぃ、商店街(しょうてんがい)ぬといれ問題(もんだい)、ちゃーされーましなてぃいちゅがんでぃんことぅ、くぬ解決(かいけつ)ぬ てぃだてぃにちーてぃ、いちゃいはんちゃい 吟味(じんみ)しみそーちゃんでぃぬくぅとぅにちーてぃ、琉球新報(りゅうきゅうしんぽう)ぬにゅーすから うしらし うんぬきやびたん。